— 76 —
Radja lantas tanja pada Koensoe Tjie Bouw Kong: ja tadi itoe tikoes terbang di depan kami poenja moeka itoe ada alamat apa ?
Tjie Bouw Kong menjaoet: ja radja jang kita semoea blon toelisan boeat mati kelaparan disini maka toean Allah jang kwasa kasi taoe ada bras koening di ini tempat. Serta berame denger laloe berkata: ja Koensoe begimana bole kentara begitoe?
Lantas Tjie Bouw Kong tetawa sembari berkata: doeloe radja Sajj Gwie bernama Lie Bit dia soeka sekali pada goendiknja jang bernama Siauw Hoeij, djadi radja djalan tiada patoet, blakang kali ada tikoes terbang tjoeri radja Li Bit poenja bras bawa di ini kotá Bok Yang Shia, sekarang radja ada disini jang bole trima itoe bras.
Komedian radja Lie Sie Bin denger lantas soeka hati dia menanja lagi: sekarang itoe bras ada dimana?
Tjie Bouw Kong sahoetiu: itoe bras ada di moeka di bawa tana bole gali 3 kaki poenja dalem lantas dapet, disitoe djoega radja kasi prenta berkoempoel soldadoe gali tana, srenta di gali sampe 3 kaki dalamnja betoel kliatan banjak sekali bras semoea ada di dalem karoeng di angkat 1 karoeng dia preksa roepanja seperti katjang, besarnja seperti bras, ini bras namanja Oeij Nio.
Thia Kauw Kim berkata: 0! tida sala ! betoel
