— 88 —
saija poenja pangrasa‘an djato dari koeda, kenapa sekarang bole ada disini, begimana jang soedara poenja toeloengan, harep resianja bole di kasi taoe.
Tjia Eeng Teng berkata: Ja Thia Koko tiada taoe, oleh kerna tempo doelee koetika di Kang To lagi bikin examen kena saija poenja Entjek pegi bawa di goenoeng pertapaan, maka sekarang saija taoe jang baginda radja kena di koeroeng di kota Bok Ijang Shia, maka saija poenja Soehoe (Goeroe) prenta saija dateng boeat toeloengin !
Satelah Thia Kauw Kim denger lantas mendjadi girang hatinja laloe berkata : Ja soedara, djikaloe betoel soeda mendjadi dewa, lebih bae sekarang saija toeroet soedara mendjadi dewa?
Tjia Eng Teng berkata: O! boeat apa lebih bae soedara dapet ini pangkat besar aken membela negri ada lebih bae bertamba poela sekarang ini baginda radja lagi dapet soesa prenta soedara boeat minta soldadoe bantoean itoe soedara misti toeloeng lebih doeloe.
Thia Kauw Kim: koetika saija lagi maoe kloear kota pegi minta soldadoe bantoean, Koesoe Tjie Bouw Kong ada kloearken perkataan djikaloe saija mati lantaran ini, maka dia itoe hendak benoemd saija mendjadi pangkat Tian He Touw Touw Tee sekarang lebih bae saija mendjadi dewa sadja!
Tjia Eng Teng: — Ja djikaloe soedara hendak
