— 90 —
Radja Lie Sie Bin: kenapa Koensoe bole tjerita jang Thia Kauw Kim dengen gampang bole meliwatin kota Gan Boen Koan serta ada dewa jang toeloeng ?
Tjie Bouw Kong: — sebab dewa jang sakti poenja koeasa soeka membantoe!
Demikian baginda radja Lie Sid Bin denger perkataan itoe lantas mendjadi geang di dalem hatinja lantas berkata: — djikalo begitoe nistjaja lah bala bantoean lekas dateng isini, maka sahabisnja berkata lantas baginda masoek ka dalem kantoornja serta sekalian penggawa, lantas pada boebar.
TJERITA THIA KAUW KIM.
Berdjalan tiada perdoeliken siang dan malem, maka pada soewatoe hari Thia Kauw Kim soeda sampe di Tiang An (kota radja), waktoe itoe kira soeda tenga hari maka kliatan ada satoe orang jang berbadjoe mera dan sepatoenja item kira oemoer 16 tahon, ini orang tingginja ada 8 kaki dan kliatan dia poenja moeka seperti orang jang baroe abis mabok arak, djalannja blon bebrapa langka laloe djato di tana maka disitoe Thia Kauw Kim tantas awasin kliatan itoe orang lagi bitjara pada satoe batoe besar jang ada di pinggir djalan, ini batoe di kira ada 1000 kati bratnja, dan ka dengeran orang itoe lagi berkata-
