— 91 —
kata: — he batoe sekarang lebi bae angkau akoe bawa boeat di pake tindi sajoer asin.
Satelah Thia Kauw Kim denger begitoe lantas berpikir di dalem hatinja: aih ini anak begini moeda bisa angkat ini batoe begitoe besar, setaoe begimana gcoeat dia poenja tenaga, he ! kita sendiri djoega tiada bisa boeat angkat batoe ini.
Komedian itoe tempo orang itoe lantas angkat batoe jang terseboet di bawa djalan kira ada bebrapa langka maka orang itoe mendapat liat pada Thia Kauw Kim maka itoe orang lantas berkata pada Thia Kauw Kim: — he! orang jang berkoeda kenapa liat akoe Kongtjoe ada disini tiada maoe lekas toeroen dari koeda ?
Demikian Thia Kauw Kim denger begitoe lantas berpikir dalem hatinja: he ini Kongtjoe anak siapa kita tiada kenal padanja, maka waktoe itoe dengen sigra Thia Kauw Kim lantas menanja: he! angkau orang siapa maka angkau boeka moeloet begitoe besar, sekarang djikaloe angkau tiada lekas moendoer dari ini djalanan nistjaija lah angkau mendapet dosa jang amat besarnja.
Serta orang itoe mendenger lantas mendjadi mara laloe berkata: — he! angkau djangan begitoe brani sekali kloearken perkataan jang tiada pantes apa angkau tiada taoe jang akoe poenja bapa ada berpangkat besar dan angkau liat ini batoe djikaloe akoe timpoek di moekamoe tentoe djadi
