— 96 —
oeroe masoek, dan Hoedjin djoega lantas kloear aken samboet pada Thia Kauw Kim sekalian di adjak masoek kadalem dengen berdoedoek di tempat pertengahan, maka selagi doedoek Hoedjin lantas berkata: — Ja Thia Pepe kapan angkau pegi toeroet pada baginda radja poekoel negri Souw Pak kenapa sekarang soeda poelang kombali ?
Thia Kauw Kim: — oleh kerna baginda radja sekarang telah terkoeroeng di kota Bok Jang Shia, maka kami soeda kloear melolos dari barisan moesoe dateng disini boeat minta bala tentara bantoean, sekalian baginda radja ada prenta soeroe tjari sekalian Kongtjoe jang gaga boeat pili soepaija menerima pangkat Dji Louw Goanswee aken bawa bala tentara.
Satelah Hoedjin mendenger lantas mendjadi kaget serta merasa sedi kloear lah aer matanja sambil berkata : — Ja djikatoe ada itoe kepandean patoet sekali bole boeat menoeloeng pada negri aken tetapi Sajane sedikit sekarang kami poenja anak masi ketjil bertamba poela bapanja doeloe hari soeda mati di tangannja orang she Souw lantaran membela pada negri ini sakit hati sampe sekarang blon bisa terbales, aken tetapi sekarang ini toeroenan she Lo tjoema melainkem ada ini anak bernama Lo Tong, dari sebab itoe andjing Souw Pak kliwat Lihainja maka kami slempang djikaloe Lo Tong pegi begimana, djikaloe di
