— 97 —
medan peprang dapet sangsara mendjadi sakit hati pada orang she Souw tiada bisa terbales.
Demikian Thia Kauw Kim mendenger perkataan itoe laloe berkata: betoel sekali, nanti di hadepan baginda Lie Tie kami bole kasi taoe jang Lo Gong Kongtjoe masi ketji] blon bisa membela pada negri, aken tetapi sekarang saija hendak menanja itoe Lo Tong Kongtioe ada di dimana ?
Hoedjin: saban hari Lo Tong bersama-sama sekalian temennja Kongtjoe pegi di tana lapang, aken mengadjar Gisiauw bikin tamat masing-masing kepandeannja.
Thia Kauw Kim: itoe Kongtjoe temennya Lo Tong siapa-siapa namanja ?
Hoedjin: — O! jang saban hari berkawan pada Lo Tong ja itoe Souw Kongtjoe berdoea soedara sama Thia Kongtjoe berdoea soedara dan Tjin Kongtjoe djoega berdoea soedara djoembla djadi 6 orang, katoedjoe Lo Tong, sekarang baroe tamba lagi kawannja ja-itoe Toean Kongtjoe dan ini semoea persobatan bae sekali, tjoba Thia Pepe liat djikaloe dia taoe ada Pibe di tana lapang nistjaija pili lah ini kawan Kongtjoe misti toeroet.
Thia Kauw Kim: djikaloe begitoe kita bole tinggal diam sadja troesa di kasi tjerita, nanti di hadepan baginda kami bole kasi tjerita troesa kasi dia pegi kerna dia masi ketjil, harep Hoedjin
Lo Tong.
