— 1103 —
tjoema lantaran ia sanget soeka berdjoedi, hingga sebagian besar hartanja telah loedes di dalem perdjoedian, hingga dari satoe pamoeda jang baek dan banjak oewang achirnja djadi orang berglandangan jang berkelakoean tiada bagoes.
Pada satoe malem, lantaran kala maen kira-kira poekoel doea ia baroe poelang dari roema perdjoedian. Satelah djalan liwat sedikit di blakang roemanja familie Bauw, koenjoeng koenjoeng kadengeran swara kelotrakan koentjian pintoė, dan ampir bareng dengen itoe kadengeran orang berkata: „Anterin toe' sampe di sana, akoe takoet liwat di itoe tempat glap!"
„He, djangan banjak tjerewet, hajo tjepet poelang!" menjaoet satoe swara laen: „Itoe di seblawetan soeda ampir terang, sabentar nanti ada orang liwat di sini. Apa kau tiada kwatir ini resia diketahoei orang.?"
Diam-diam Joe Kong mengintip di tempat glap. la liat doea orang djalan ka djoeroesan koelon, satoe antaranja seperti orang prempoean dan jang laen sa orang lelaki moeda. Tiada lama satoe orang balik lagi, masoek ka dalem dengen mengoentji pintoe, sedeng satoenja poela sasoeda liwat di depan bio tiada kaliatan lagi ka mana perginja.
Meliat begitoe dalem hatinja Joe Kong lantas dapet doegaän djelek. Ia doega Djie Hoa tentoe
