— 1199 —
Minoem arak jang tertjam-
poer ratjoen doea orang tiwas
djiwanja. Di hadepan hakim
nona dan boedak saling bere-
boet kadosa'an.
Sasoeda toekar pakean Bauw Hian brangkat djalan, tapi di tikoengan di blakang roema di pegat oleh istrinja jang menanja, kau maoe pergi kemana?
„Akoe di prenta oleh Bauw Si boeat oeroes satoe perkara perloe," saoet jang ditanja sembari hendak berdjalan teroes.
Tjhia Si tjepet menghalangken di tenga djalan, ia pegang doea-doea tangan swaminja dan dengen pelahan ia berkata: "Swamikoe kau djangan berdjoesta! Baroesan akoe telah dengerin sasoeatoe pembitjara'annja Bauw Si, jang menitaken kau ratjoenken swaminja di dalem praoe. Sekarang akoe baroe dapet taoe, kaloe ia itoe ada saorang prampoean jang sanget djahat! Boedjang memang pantes trima sasoeatoe prenta madjikannja, tapi boeat perkara jang bener, sedeng kaloe perkara kedji seperti ini, tiada moesti kau menoeroet! Kau moesti inget, perboeatan djahat selaloe Allah ta'allah membales djahat; kau berboeat begini matjem? pada laen orang di patoe tempo laen orang bisa berboeat begitoe djoega atas kita
