— 1207 —
berbagi-bagi pertoeloengan jang perloe, sebaliknja akoe pandang ia ada saorang moeda jang sopan, maka tjara begimana akoe pake hati binatang dan meratjoenken padanja. Djoega, tempo kaloear dari roemanja Ong Ma akoe tiada membawa barang laen selaennja boengkoesan pakean; lagi di dalem praoe di mana orang bisa dapet ratjoen, jang bisa membikin orang dapet sampeken maksoednja jang kedji. Maka dari itoe harep Taijdjin soeka menimbang dengen adil, dan akoe rasa ini penoedoean ada terbit dari kadengkian hati sadja.”
„Bauw Si dengen menangis lantas berloetoet, ia oetjapken banjak perkata'an jang tentoe sadja semoea ada menindi pada Yoe Siojia. Ia katat Akoe rasa itoe katerangan tiada tjoekoep boeat dipertjaja dengen sasoenggoenja, Di sini akoe menerangken pada Taijdjin, Hok Tjoen, akoe poenja swami, jalah ada saorang lelaki jang sanget gemar sama kasenang doenia, dan djoestroe ini doea orang ada boengah raja, maka satoe perkara jang tiada boleh djadi sabagitoe lamanja marika bisa berlakoe toeloes dengen tiada berboeat apa-apa: swamikoe bli padanja dengen perdjandjian maoe di boeat bini toewa, tapi apa maoe sesampenja di sini ketaoean maoe diboeat goendik, dari itoe ia sakit hati dan raljoenken swamikoe. Djikaloe Taijdjin masi koerang pertjaja atas akoe
