— 1212 —
mana kau soeda dapetken itoe?" begitoe kamoedian Tikoan menanja pada Heng Hoa.
Yoe Siotjia maoe doeloeken mendjawab, tapi Tikoan delikin matanja seraja berkata lagi: „Diam! Sablonnja akoe menanja. kau tiada boleh toeroet tjampoer omong apa-apa!"
Tikoan lantas madjoeken poela pertanja'an baroesan pada Heng Hoa, tapi sablon jang ditanja menjaoet, koetika itoe di loear kantooran ada kadengeran swara riboet, hingga maoe tiada maoe Tikoan moesti toenda ia poenja papreksahan dan liat doeloe di loear ada terdjadi perkara apa.
la dapet liat ada bebrapa orang jang baroe toeroen dari atas koeda. Dan orang-orang itoe poen boekan laen, jalah ada ponggawa-ponggawa jang diprenta oleh Baginda Keizer boeatmengabarken pada antero pembesar negri berhoeboeng dengen pembrontakan dan terkoeroengnja kota Gan Boen Koan. Djoega di kasi taoe, sasoeatoe pembesar negri salekasnja moesti adjar maen prang-prangan pada tentaranja, kerna begitoe lekas marika itoe bakal dimadjoeken ka medan peprangan, aken tempoer barisannja moesoe.
Ini prentahan dari Sri Baginda Keizer Tikoan tiada brani berlakoe lambat. Begitoe djoega pepreksa'an perkara di atas telah ditoenda; Bauw Si di kasi hak boeat ambil dan koeboer maitnja Hok Tjoen dan Lo Keng, sedeng orang-orang
