— 1213 —
jang tersangkoet dan blon dapet ketrangan, jaitoe
Yoe Siotjia Heng Hoa dan doea toekang praoe
telah di tahan dalem pendjara.
Maitnja Hok Tjoen dan Lo Keng laloe dibawa ka Ho Hap Po, di mana sasoeda di tengok oleh Soen Nio, dengen baek maitnja itoe doea orang jang latjoer dianter ka lobang koeboer.
Sekarang Soen Nio moesti hadepken satoe kasedian jang tiada bisa di loekisken dengen kalam.
Tapi siapatah poenja sala? Soen Nio soeda berlakoe liwat wates, sajang pada Hok Tjoen sampe begitoe, hingga apa sadja ia poenja maoe telah di toeroet. Begitoe djoega dalem perkawinan sama familie Bauw ia soeda berlakoe dengen menoeroeti kahendak tjoetjoenja dan sekarang, sasoedanja hal itoe berachir dengen satoe kasedian heibat, rasa menjesel baroe terasa dalem hatinja.
Gerak-gerakan di kota radja
ada menaro satoe pengharepan
bagoes. Djago prempoean
oendjoek pengaroenja di hade-
pan dorna-dorna.
Sasoedanja menoetoerken itoe bebrapa kedjadian di sebla atas, baroe kita dapet tempo boeat
