— 1214 —
adjak pembadja balik meliat pada Bong Laon Siotjia, jang pada itoe hari bersama Tio Tihoe telah brangkat ka Kang-Tjioe. Satoe taon lamanja Beng Loan dan Tjeng Bwe tinggal di sana dengen dapet rawatan tjoekoep; Tio Tihoe sengadja sediaken satoe tempat jang bagoes di kebon kembang boeat itoe doea orang jakinken ilmoe silat.
Tio Tihoe ternjata ada saorang jang soeka sekali dengen perkara Boege dan laen-laen pergerakan badan.
Maski poen dalem pengidoepan di sana ada begitoe senang, tiada beda seperti djoega tinggal dalem roema ajahnja sendiri, tapi Ko Siotjia saban-saban berdoeka bila inget jang sabenernja ia mengandoeng kahendak laen dalem perdjalanannja.
Beroentoeng Tio Tihoe ada saorang toea jang pande memboedjoek, hingga kaloe Bong Loan bisa beta tinggal di sana sampe setaon lamanja, itoe beleh dibilang ada lantaran pandenja Tio Kong poenja tjara mengambil hati, maka sampe sabegitoe lamanja itoe gadis bisa berlakoe sabar.
Pada satoe hari selagi Ko Siotjia doedoek sendirian di kamar toelis, di mana ia ada hadepken satoe boekoe tjerita jang baroe bebrapa lembarsadja di batja, koenjoeng-koenjoeng Tio Tihoe dateng masoek di sitoe.
