— 1215 —
Moekanja itoe pembesar ada bersorot terang, maka lebi doeloe bisa di doega, ia hendak mengabarken apa-apa jang menggirangken hatinja itoe gadis.
Bong Loan berbangkit, dengen perkata'an aloes ia silaken Tio Tihoe berdoedoek.
„Sakean lama akoe ada taro perhatian atas ber-bagi-bagi kabar jang terdjadi di dalem negri, tapi tjoema baroe ini hari akoe bisa membri taoe apa-apa pada Hiantit," kata itoe pembesar sembari doedoek. „ Dari pamerenta agoeng di kota radja akoe trima kabar, bahoea Pak An Ong telah bikin pembrontakan lagi; pameretah sekarang sedeng riboet tjari orang-orang gaga boeat pimpin pasoekan prang aken bantoe menangkis serangannja moesoe. Akoe liat Hiantit dan Si Tjeng ada begitoe pande dalem ilmoe silat, hingga saorang lelaki jang poenja kepandean koerang tjoekoep tentoe tiada sanggoep bertempoer padamoe, maka akoe soeka kasi pikiran baeklah Hiantit toeroet ambil bagian dalem itoe pamilian."
„ Ja, sasoenggoenja ini ada satoe koetika jang baek boeat Siauwtit," saoet Bong Loan dengen sanget girang.
„ Ini kabar datengnja soeda terlaloe lambat, maka besok salekasnja kau moesti brangkat djalan," kata poela Tio Tihoe. „ Dalem boelan Dji-gwe aken di moelai itoe pamilihan, maka kaloe tiada
