— 1216 —
brangkat di hari esok, akoe kwatir djadi katinggalan."
„Sabetoelnja selama ini Siauwtit telah menanggoeng Siokhoe poenja boedi begitoe besar, hingga blon bisa di bilang sampe kapan bisa di bales," kata Bong Loan dengen swara terharoe. Sekarang ada tempo jang begini bagoes, biar poen begimana djoega Siauwtit tiada aken kasi liwat dengen pertjoema; Siauwtit poenja pengharepan tjoema satoe-satoenja, jaitoe aken menoeloeng ajah sendiri dalem ia poenja kasoesahan. Djoega dalem pamilian di kota radja Siauwtit tiada ingin dapetken pangkat Goanswe atawa poen pangkat laen, tapi asal bisa moendoerken moesoe, itoe sadja soeda lebi dari tjoekoep."
„Itoelah ada pikiran jang paling bagoes," kata Tio Tihoe sembari berbangkit, „akoe bantoe doaken, moeda-moedahan kau poenja kahendak dape di boektiken, serta bisa angkat kombali namanja orang toea sendiri jang soeda di bikin boesoek oleh dorna-dorna."
Seabisnja kata begitoe Tio Tihoe lantas berlaloe. la sigra pergi ketemoeken istrinja, kasi taoe esok pagi Bong Loan dan Tjeng Bwe maoe brangkat, maka ia minta itoe njonja soeka sediaken apa-apa jang perloe boeat perbekelan. Djoega panggil doea boeda lelaki, prenta bersedia dan toeroet brangkat aken anter itoe doea nona poenja perdjalanan ka kota radja.
