— 1222 —
tiada kena sama sekali teritoeng paling banjak.
Pengoedjian jang ka doea jalah mengadoe kepandean dalem ilmoe silat. Pertama orang-orang itoe ditjoba menggoenaken berbagi-bagi sendjata prang, kamoedian baroe di tjoba marika poenja kepandean dalem perkara boege,
Hatinja semoea orang tjoema mengharep aken bisa dapet tjap Goanswe, maka tiada oesa heran kaloe marika itoe soeda kaloearken seantero kepandeannja boeat bikin kala lawanannja; satoe kala jang laen madjoe, begitoe seteroesnja sampe pengoedjian itoe djadi slese dan di antara begitoe banjak orang, tjoema tiga ratoes anem poeloe orang sadja jang namanja tertoelis di dalem boekoe.
Itoe djoembla oleh pengoeroes oedjian lantas di bikin lebi ketjil lagi dan terdapet seratoes orang. Kombali djoembla itoe dipili dan ternjata tjoema ada lima anem orangs adja jang pantes di seraken itoe pangkat besar.
Antara itoe bebrapa orang, adalah namanja Ko Siotjia tertoelis paling pertama.
Pembatja djangan djadi heran kaloe mendadak dapetken itoe nona soeda loeloes dalem oedjiannja tegesnja ia ada paling gaga dari itoe bebrapa ratoes orang lelaki jang soeda bertanding padanja.
Sebagimana pembatja tentoe soeda mengetahoei maskipoen tiada banjak, tapi sedikitnja itoe nona
