— 1225 —
loeng, tentoe ini sekali bisa dapet kamenangan dan dapetken itoe pangkat."
,,Kita orang bantoe doaken moeda-moedahan Siotjia dapetken apa jang di ingin!" kata lagi marika itoe dengen sanget goembira.
Liwat bebrapa hari kamedian, kombali Bong Loan dan itoe bebrapa orang moeda telah berkoempoel di lapangan Ngo Liong Jan, di mana Baginda Keizer dengen di apit oleh bebrapa pembesar Militaire ada doedoek di tenga-tenga panggoeng aken menjaksiken itoe pertandingan.
Sasoedanja marika itoe membri hormat dengen berloetoet, masing-masing lantas berdiri di kadoea fihak aken menoenggoe prenta.
Di itoe hari poen ini lapangan telah dapet koendjoengan bilang ratoes rahajat negri, lebi rame dari pengoedjian jang pertama di bikin. Marika poen soeda taoe, pertandingan di itoe hari ada jang pengabisan dan orang-orang jang bertanding semoea gaga perkasa dan pande, maka tentoe sadja aken kedjadian lebi seroe dan menarik hati.
pertama meriam berboenji itoe orang-orang gaga di prenta berkoempoel di tenga lapangan, koetika beroentoen roentoen meriam di pasang 2 kali, marika di bri idjin aken bertanding.
Te Tok, Soe Peng dan Tjio Hoaij Giok, Ma Leng In, Ouw-jan Peng dan Ong Poei, Beng Jang
