— 1232 —
Dianter oleh sakoempoelan orang militare Bong Loan pergi ka gedong Tin Kok Hoe, di mana banjak pembesar telah menoenggoe dan membri slamet. Di sini Bong Loan dapet sedikit poesing, kerna boeat sedikit waktoe ia moesti tjatet nama-namanja bebrapa ponggawa prang jang aken bekerdja di bawa prentanja.
Sasoedanja slese oeroes laen-laen pakerdja'an, baroe ia masoek ka dalem, di mana Tjeng Bwe. dan doea boedjangnja Tio Tihoe berganti-ganti membri slamet. Bong Loan lantas toelis satoe soerat dan diam-diam prenta itoe doea orang poelang ka Kang Tjioe aken bri taoe pada Tio Tihoe, kaloe ia soeda beroentoeng bisa dapet pangkat dan laen-laen.
Berhoeboeng dengen beroentoengnja Bong Loan jang soeda dapetken pangkat besar, ini hal boekan sadja membikin girang hatinja si nona, tapi ada lagi saorang laen jang toeroet bergirang hati.Dan orang itoe poen boekan laen, jalah Lu Kok Tjaij.
Ini dorna merasa ketarik hati dengen keada'an itoe pamoeda, jang selaennja tjakep djoega sanget pinter dan gaga perkasa, maka ia ambil poetoesan boeat ambil djadi mantoenja, kawinken sama ia poenja anak prempoean, jang pada itoe waktoe soeda beroesia doea poeloe delapan taon, sedeng adenja Lu Siotjia, lelaki bernama Lu Hoen, telah
