— 1241 —
„Sasoenggoenja akoe baroe taoe kaloe Gak-hoe ada mempoenjai perhoeboengan begitoe kekel sama itoe radja asing,“ kata Bong Loan dengen sengadja bikin tingka lakoenja begitoe girang. „Sekarang akoe poen baroe pertjaja djoega, kaloe Gak-hoe poenja sasoeatoe kahendak aken di perhatiken oleh marika itoe.“
―„Sasoedanja taoe itoe perkara, tiada loepa akoe maoe peringetken, harep kau moesti pegang resia dan itoe bitjara baroesan djangan sampe teroewar pada laen orang, jang boekan djadi kita poenja kaoem.......“
—„Oh, perkara begitoe Gak-hoe djangan pesen lagi, akoe toch boekan anak ketjil!“
―„Djoega dalem segala perkara kau haroes denger akoe poenja pikiran dan djangan sekali bergaoelan dengen sembarangan orang. Kau taoe, pambesar-pembesar laen selaloe ada panas hati dan mengiri lantaran akoe ada pegang kekwasahan dan di pertjaja oleh Baginda radja, maka dari itoe tiada koerang djoemblanja orang-orang jang soeda berdaja oepaja boeat bikin akoe merosot dari kabesaran jang sekarng Orang-orang jang pangkoe djabatan negri memang soeda loemranja pake tabeat begitoe, maoe dapet kekwasa'an lebi atas dari jang laen. Djoega seperti kelakoeannja Ong Bong, Tjho Tjho dan Lie Lim Hoe marika semoea pake hati temaha
