— 1248 —
„Sakean lama akoe poen ingin dapet taoe apa
jang mendjadi lantaran maka ajahkoe jang poeti
bresi di toedoe begitoe matjem, apa maoe sekarang orang itoe soeda mengakoe sendiri atas perboeatannja jang begitoe kedji. Ha, toenggoe lagi
sedikit waktoe, tentoe akoe aken bikin peritoengan
sebagimana pantes padamoe!"
Lu Kok Tjaij sama sekali tiada dapet taoe apa jang ada di pikir pada itoe bakal mantoenja, itoe pengrasa girang aken bakal poenja mantoe pinter dan gaga, soeda membikin ia kadjeblos dalem perboeatannja sendiri.
la orang doedoek minoem lebi djaoe.
„Sekarang seantero akoe poenja resia hati akoe soeda toetoerken di hadepan kau," kata Kok Tjaij kamodian,,dari sekarang dan sateroesnja kau moesti inget, begimana dan apa kau moesti bikin kita poenja moesoe-moesoe."
Bong Loan manggoetin kepalanja dan oetjapken perkata'an-perkata'an manis, jang menjataken ia nanti taro perhatian atas itoe berbagi-bagi pesenan. Kamodian sasoeda doedoek minoem poela sabentaran, sebab soeda djaoe malem, Bong Loan lantas permisi aken poelang ka tempatnja.
Itoe dorna toea menganter sampe di loear pintoe, dengen doedoek djoli Bong Loan poelang ka gedong Tin Kok Hoe, di mana koetika sampe ia dapetken Tjeng Bwe baroe abis membri prenta