— 1255 —
perdjalanan, kerna akoe dan Tjo Heng poen soeda sampe tjoekoep," kata Song In pada si Gagoe, „Di roema tiada ada orang, baeklah tinggal sadja di roema."
Si Gagoe gojang kapala. Ia bertjokol teroes di tempat mana tadi ia doedoek,
Sian Wan-gwe memang taoe betoel Sioe Tji sanget tjinta pada Song In, maka ia poen lantas dapet doega apa jang ada di rasa oleh si Gagoe pada itoe waktoe, berhoeboeng dengen brangkatnja ia poenja Końgtjoe. Maka ia berkata: Biarlah ia toeroet dalem ini perdjalanan bersama-sama Sama-te; kau taoe sendiri, ia selaloe ada kwatir kau djadi kenapa-napa, djangan kata pergi ka tempat djaoe di roema-roema sadja ia selaloe mengoetit dan maoe taoe sadja kau pergi ka mana.
Djim Sioe Tji roepanja dapet artiken apa jang di kata oleh Sioe Djin, kerna itoe waktoe moekanja bersorot girang.
Mendenger begitoe Song In tiada bisa berboeat Jaen dari pada menoeroet bitjaranja itoe soedara toea, begitoelah sasoedanja membri slamet tinggal, koesir laloe petjoet koedanja dan sigra brangkat djalan, sedeng Tjo Kongtjoe mengikoe di blakang dengen menoenggang koedanja.
Teroes meneroes ia orang berdjalan dengen tjepet, jang mana liwat bebrapa hari sampe di Eng Jang. Itoe koetika mata-hari soeda ampir silem, maka Song In lantas prenta koesirnja dja-
