— 1277 —
dan si Gagoe marika lantas moelai doedoek bersantap, sedeng pengoeroes Hotel jang ternjata soeka sekali mengagoelin dirinja ada toeroet doedoek di sitoe, sembari mengobrol begini dan begitoe.
„Akoe kira Tjiongwie Siangkong poenja kedatengan di sini perloenja maoe toeroet ambil oedjian?” begitoe ia menanja. Lagi bebrapa hari memang aken di bikin oedjian poela boeat dapetken saorang gaga dan pande ilmoe prang.
„Betoel,” saoet Boen Pa dan sekarang ia dapet kenjata'an, ketrangan jang ia dapet paling blakang dari itoe orang-orang ada paling boleh di pertjaja.
„Kaloe begitoe dengen ini akoe bantoe doaken, moeda-moedahan Siangkong nanti bisa dapetken itoe pangkat besar!” kata lagi itoe pengoeroes Hotel.
„Trima kasi!” saoet Boen Pa. Ini orang moeda kliatan djadi merasa soeka pada itoe orang jang njata ada berkelakoean baek, taoe atoeran dan manis boedi bahasanja, maka ia poen taro inda dan temenin mengomong.
—„Akoe rasa itoe pangkat Peng-Lam-Taij Goan-swe aken di dapet oleh sala satoe Siangkong berdoea.”
—„Kenapa kau brani pastiken begitoe?”
—Sebab akoe liat Siangkong poenja roepa ada
