— 1287 —
Tapi Boen Pa tiada djawab itoe pertanja'an. la masoek troes ka dalem dengen tindakan kasar, di mana ia dapetken Tiam Siauw Dji masi ada di tempat tadi.
„Di mana letaknja itoe gedong mantoenja ferdana mantri jang moelia?" begitoe ia menanja.
Tiam Siauw Dji tinggal diam sadja dan niat tiada maoe kasi taoe, tapi koetika itoe orang moeda menanja lagi, dengen kepaksa ia lantas menjaoet: Dari sini djalan ka sebla Barat, kira-kira selepasan anak-pana djaoenja nanti ketemoe satoe gedoeng besar, di depannja ada sepasang singa-batoe, itoelah roemanja.”
Satelah dapet itoe ketrangan Boen Pa lantas pergi kombali.
Koetika itoe, hari soeda moelai gelap.
Satoe kakliroean tapi soeda
berachir dengen kabetoelan.-
Doea orang moeda mendapet
pangkat dalem angkatan prang
negri.
Menoeroet sebagimana jang dipesen oleh Tiam Siauw-Dji, tiada lama Tjo Kongtjoe telah sampe di depan satoe gedong besar, jang di depannja ada doea Saij-batoe. Di dalem dan. di loear itoe gedong ada dipasang banjak api, teroetama di
