— 1288 —
pekarangannja ada kaliatan banjak penerangan lentera. Orang pergi dateng dan kaloear masoek di dalem pekarangan itoe pekarangan itoe gedong besar ampir tiada poetoesnja, tapi orang-orang itoe kebanjakan ada soldadoe-soldadoe djaga.
Dengen tindakan jang loear biasa itoe orang moeda masoek ka pekarangan, ia hamperi bebrapa tentara djaga jang lagi djalan moendar mandir di depan gedong. la kasi hormat pada sala satoe dari marika itoe dan menanja: „Sobat, apatah ini gedongnja Peng Pak Taij Goanswe?”
„Betoel, Houhan,” saoet itoe tentara jang ditanja sembari bales membri hormat. „Houhan ada oeroesan apa?”
„Boleh sobat toeloeng bri taoe pada Goanswe, bahoea akoe, temennja jang tertjinta, ingin minta bertemoe?"
Itoe soldadoe liat roepanja itoe orang moeda begitoe angker, lagi mengakoe ada djadi sobatnja sama Kou Goanswe, maka sasoedanja mendjoera ia lantas masoek da dalem. tiada antara lama ia kaloear kombali.
„Toenggoe sabentar, Houhan." kata itoe orang.
Boen Pa bilang baek, tapi ia kaliatan djadi sanget koerang sabar.
Tiada antara lama dari dalem kaloear saorang lelaki moeda: Dan ia itoe Tjeng Bwe.
Ko Teng Tjan
82.
