— 1296 —
boeka harep Goanswe soeka bagi tempat padanja."
„Tjo Heng poenja permintaän akoe sanggoep kaboelken. Ini tempo dalem negri ada perloe sama orang orang gaga, djangan kwatir tentoe djoega akoe nanti menoeloeng sebrapa bisa."
„Selagi ini doea orang beromong-omong, Tjeng Bwe dateng mengasi taoe, di loear ada saorang moeda jang mengakoe bernama Sian Sioe Eng minta bertemoe pada Tjo Ya.
„Nah, kabetoelan ia dateng!" kata Boen Pa.
„Oh, itoe dia!" tanja Bong Laon, jang lantas silaken itoe orang moeda masoek berdjoempa. Tiada lama Song In soeda masoek ka dalem, di mana ia di samboet dengen hormat oleh Bong Loan dan di silaken berdoedoek.
Begitoe meliat, Bong Loan merasa ketarik dan dapet pengrasa'an apa apa pada itoe orang moeda; la pandang orang poenja roepa dari atas ka bawa dan dari bawa ka atas dengen tiada maoe soeda Haroes di seboet keada'annnja Song In Kongtjoe jang tatkala itoe soeda beroesia anem blas taon ada satoe djedjaka jang tjakep. Koelit moekanja sekali poen tiada poeti, tapi haroes di pandang item manis, sedeng tingka lakoenja jang sopan nanti membikin sasoeatoe orang merasa soeka.
Lama djoega Bong Loan pandang moekanja Song In, jang di liatin kaliatan merasa maloe. Tapi bisa di liat ia poenja pengrasa'an tiada enak
