— 1307 —
begimana Hengtiang seboetken itoe orang bangsawan ada poenja anak lelaki?
„Tjo Heng tjoema taoe satoe, tapi tiada taoe doea," saoet Bong Loan dengen mengela napas, „itoe perkata'an bahoea familie Ko tiada ada poenja anak, hanja tjoema sakedar boeat membikin dingin hatinja dorna-dorna, jang mendjadi moesoenja itoe orang bangsawan, kerna itoe pembesar-pembesar kaparat, kaloe taoe Ko Teng Tjan ada poenja poetra, tentoe djoega marika berdaja-oepaja boeat membikin tjilaka. Haroeslah Hengtiang mengetahoei, permoesoehan antara familie Ko sama itoe dorna-dorna ada begitoe besar, dan itoelah jang membikin oeroesan sabisanja Tjo Heng moesti pegang resia, djangan sampe di ketahoei oleh laen orang."
„Boeat hal itoe Hengtiang djangan kwatir," saoet Tjo Goanswe, akoe poen haroes di seboet ada mendjadi satroe-satroenja itoe sekalian dorna, maka soeda tentoe sadja akoe nanti melindoengken itoe perkara sebagimana moestinja."
„Atas namanja Ko Kongtjoe dengen ini akoe hatoerken trima kasi," kata Bong Loan sembari berbangkit, seraja angkat doea tangannja membri Kiongtjhioe pada Boen Pa, hingga ini orang moeda djadi tersipoe-sipoe bales hormat itoe.
Ko Kongtjoe sekarang ada di mana?" begitoe achirnja Boen Pa menanja.
