— 1308 —
„la ada di dalem, bekerdja sebagi djoeroe toelis dari pembagian ramsoem balatentara," saoet Bong Loan.
―„ Kenapa Hengtiang tiada soeroe ia kloear, soepaja akoe bisa bikin perkenalan padanja ?"
„Soeda brapa kali akoe soeroe ia bikin perkenalan pada Hengtiang dan jang laen-laen, tapi ia selaloe menampik. la memang ada sa-orang moeda jang sanget pemaloean, tiada soeka tjampoer orang; apa poela memang kwatir dirinja nanti kena di intip oleh moesoe-moesoenja."
„Akoe poen sabenernja ampir tiada maoe pertjaja, kaloe orang bilang Ko Teng Tjan tiada ada poenja anak lelaki," kata Boen Pa kamodian, „kerna ia poenja roepa jang begitoe moelia, satoe moestail Allah poetoesken ia poenja toeroenan."
„Apa Tjo Heng kenal sama itoe orang bangsawan?" menanja Bong Loan.
―„Kenal".
―„Di mana soeda taoe bertemoe padanja?" Tjo Boen Pa lantas kasi taoe, begimana ia soeda toeloeng itoe orang bangsawan waktoe hendak di keniaja oleh pendjahat di goenoeng Ngo Siong San, hingga Bong Loan denger begitoe hatinja djadi sanget girang, dan hatinja merasa sanget berterima kasi pada itoe pamoeda.
Kamodian Bong Loan masoek ka dalem, tiada lama balik kombali dengen bawa satoe soerat
