— 1312 —
„Oh, perkara begitoe Gakhoe djangan pesen, akoe djoega sampe mengarti," kata Bong Loan, „dan di sini akoe berdoa, moeda-moedahan Gak-hoe tinggal slamet, di mana sampe pada satoe waktoe kita-orang bertemoe kombali dengen merasa girang."
Bong Loan oetjapken perkata'annja begitoe lema lemboet, hingga Lu Kok Tjaij dengerin dengen merem melek, sampe ia tiada dapet liat, bahoea kelakoeannja itoe bakal mantoe ada mengantjem begitoe heibat pada dirinja.
Seabisnja berkata-kata poela sabentaran, Bong Loan sigra oendoerken diri dan laloe preksa barisannja.
Kamodian kadengeran meriam dipasang beroentoen tiga kali, di waktoe mana dengen berbareng angkatan prangnja itoe doea Goanswe brangkat djalan. Satoe barisan menoedjoe ka Qetara dan jang laen menoedjoe ka djoeroesan Selatan.
Selama meliwatken kampoeng kampoeng di loear kota, di mana ada tinggal banjak pendoedoek negri, itoe doea pasoekan prang telah dapet kahormatan besar dari marika itoe.
Begimana nanti terdjadi dengen itoe doea Goanswe "jang masing-masing telah mengapa ken pasoekan prang aken sleseken Para asoetan jang di seraken atas dirinja, itekarang segala apa
