— 1320 —
atas peti, kaloe ia tinggal tetep begitoe ka mana djoega tentoe bisa tinggal idoep.
Soen Nio merasa apa boleh boeat, ini doea orang lantas naek poela ka atas loteng.
Itoe aer sebetoelnja Boekan dateng dari goenoeng di sebla Oetara kota, hanja dari satoe kali jang terletak di belakang dari kampoeng Ki Lin Tjoan. Doeloean tempo Ko Kong belon memaloemken prang ka laen negri poen soeda perna terdjadi itoe bahaja, tjoema tiada begitoe besar seperti ini; itoe tempo ia mendoesin, bahoea di satoe waktoe itoe kali bisa djadi petja lagi dan aken menerbitken bahaja besar, maka ini orang bangsawan lantas keloearken banjak oewang, dibantoe djoega oleh pendoedoek negri, pasang baterij (tembok) di sepandjang pinggiran kali. Tapi sadjek itoe waktoe, sateroesnja tiada di bikin betoel kombali. Orang taoe sebagian dari itoe tembok telah petja, tjoema lantaran orang di itoe kampoeng males keloear oewang, maka karoesakan itoe ditinggal sadja.
Satoe tempo The Koen telah bitjaraken itoe pada Hok Tjoen, minta ini orang moeda kaloearken oewang aken betoelken itoe tembok, kerna ini Tjongkoan mengarti, kaloe terbit bahaja bandjir, gedong Tin Kok Hoe aken toeroet kena
karendem, sajang pikirannja itoe pengawe jang
Ko Teng Tjan
81.
