— 1323 —
pak satoe karoegian jang tiada bisa di kata brapa besarnja; oewang jang akoe sediaken soeda djadi korbannja aer, maka apatah lagi jang kita moesti harepin, selaennja menoenggoe Allah nanti kirim melaekat-maoet boeat ambil kita poenja djiwa.“
„Kliroe sekali kaloe njonja ambil pikiran begitoe,“ kata Djimpo, „orang jang kena di langgar ini bahaja boekannja kita sendiri, hanja berpoeloe dan beratoes orang, sedeng jang lebi bersengsara dari pada kita tentoe poen ada. Laen orang sabisa-bisa telah berdaja maoe toeloeng dirinja, masalah kita jang masi ada poenja harepan njonja bolehnja ambil poetoesan begitoe roepa.“
„Sasoenggoenja akoe soeda djadi poetoes harepan, tapi kaloe kau bisa mengasi pikiran baek, soeda tentoe akoe nanti pikir begimana baeknja.“
„Sekarang akoe bisa kasi satoe pikiran bagoes, serta bisa dapet satoe tempat jang baek boeat toempangin diri,“ kata Djimpo sasoedanja diam sabentaran.
―„Begimana?“
―„Akoe rasa paling baek kita pergi ka Ho Hap Po, roemanja Bauw Si; itoe tempat pernanja lebi tinggi dan djaoe dari sini, maka tentoe di sana tiada kena terserang ini bahaja tjilaka.“
Soen Nio berdiam, tapi ia pandang moekanja itoe prempoean toea, seperti ia hendak berkata apa-apa.
