— 1326 —
djoega dapet pengrasahan tiada enak sekali. Ini doea orang. saling maen liat-liatan dengen tiada bisa berkata apa-apa.
„Akoe bilang apa," kata Soen Nio dengen swara ampir maoe menangis, "akoe poen sabenernja tiada ingin dateng disini, tapi kau maoe djoega, hingga sekarang kita orang trima ia poenja hina'an begini matjem, oh, kaloe akoe taoe begitoe, ada lebi baek diam sadja di roema, mati .poen soeka hati.........."
Soen Nio tiada sanggoep teroesken bitjaranja, kerna aer matanja mengoetjoer deres dan lantas ia menangis tersedoe-sedoe.
„Soedalah njonja," kata Djimpo dengen merasa piloe, akoe poen sama sekali tiada mendoega, kaloe itoe menoesia ada begitoe kedjem, hingga haroes diseboet binatang jang bersifat menoesia."
„Sekarang begimana?" menanja Soen Nio. „Akoe kira baek balik sadja ka Tin Kok Hoe, mati idoep kaloe di roema sendiri akoe merasa senang.
Djimpo tiada bisa berboeat laen dari menoeroet sadja. Kamodian itoe doea orang doedoek laen praoe poelang ka gedong Tin Kok Hoe.
⁂
Pembatja tentoe masi inget, begimana denger mendengerin moeloet istrinja, Wie Sioetjaij telah goenaken daja-oepaja kedji aken keniaja pada
