— 1332 —
Djoega lebi djaoe telah di wartaken; Siauw Tjin
Liong Thian Poet Pa, bersama sadjoembla barisannja lagi menjerang Tjioe Koan, dan kota-kota
jang berdamping dengen itoe tempat, marika bikin
perampasan pada pendoedoek negri, hingga boekan sedikit jang telah mendjadi korban; Siauw
Kauw Liong Te Poet Pa dengen lima riboe soldadoe menjerang kota Hoe Jang Koan, Siauw
Pek Liong Heng Hin menjerang kota Sim Shia,
Siauw Go Liong Pa Tauw belon bebrapa hari
djoega toeroet madjoeken tentaranja aken melabrak kota Tjiang Hoa Koan.
Selaennja dari itoe, djoega Tjo Goanswe ada trima laen-laen kabaran prihal keada'an moesoe, jang mana satoe persatoe laloe ditjatet di dalem boekoe. Kamodian itoe Generaal lantas prenta diriken pasanggrahan, dan tempatken barisan di loear kota.
Sasoedanja slese, Tjo Goanswe sigra doedoek bersidang sama sekalian ponggawanja, aken membitjaraken begimana moesti diatoer boeat menjerang pada tentara moesoe.
„Menoeroet sebagimana warta jang akoe trima, sekarang ini tentara moesoe telah menjerang kota Hoe Jang Koan dan bebrapa tempat laen, sedeng djoemblanja marika itoe ada besar sekali," kata Tjo Goanswe,,bila sekarang kita petja ini pasoekan djadi tiga bagian, kirim masing-masing