— 1333 —
satoe barisan aken menoeloeng itoe tempat jang diserang, tapi dengen berboeat begitoe akoe kwatir keada'an kita djadi berbalik lema, hingga satoe tempo moesoe bisa goenaken antero tenaganja aken menerdjang pada kita. Maka dari itoe, tjobalah kau sekalian bantoe pikir, begimana kita moesti berboeat di ini waktoe?“
„Kita orang semoea tiada bisa membri pikiran apa-apa,“ saoet sekalian panglima, „kita tjoema menoenggoe Goanswe poenja poetoesan serta lakoeken segala prenta.“
„Kaloe begitoe sekarang akoe minta, biarlah angkau sekalian dengen setjara jang soenggoe hati menjerang pada moesoe, kerna tjoema berlakoe begitoe sadja baroelah kita poenja pakerdja'an bisa diharep asilnja.“ kata Tjo Goanswe poela.
„Perkara begitoe Goanswe djangan seboetken lagi,“ saoet itoe semoea panglima, „kita orang nanti bekerdja dengen tjara jang paling soeng- goe, agar moesoe dapet di moesnaken betoel-betoel.“
Tjo Goanswe kaliatan djadi girang sekali mendenger katanja itoe sekalian panglima. Ia kata poela: „Dengen madjoeken tentaranja bebrapa djalan, tentoe sekali sekarang pasanggrahan moesoe tinggal kosong: akoe sendiri nanti madjoeken sadjoembla tentara menjerang ka atas goe-
