— 1340 —
apa apa ia lantas madjoeken koedanja pergi mengedjer.
Semoea panglima dan tentara negri koetika liat Generaalnja oendoerken diri dari hadepan moesoe, hatinja marika itoe djadi kaget sekali, sebab ia orang kira, dengen sasoenggoenja itoe kapala prang telah kala.
Tjo Goanswe koetika liat Hoei Liong dateng mengedjer hatinja merasa girang. Ia dapet kenjata'an Hoei Liong tjoema gaga sadja, tapi tiada mengarti djalan-djalannja tipoe aloes.
Sedeng berpikir begitoe, Hoei Liong soeda mengedjer sampe di blakangnja. Tiba-tiba soeda dateng deket, Tjo Goanswe sigra tarik leskoedanja, hingga itoe toenggangan bilok ka samping, sedeng Hoei Liong liwat di depannja.
Dalem itoe tempo jang baek Tjo Goanswe sigra angkat toembaknja, dengen gaetan itoe sendjata ia sentak badjoenja Hoei Liong dari sebla blakang, hingga itoe panglima begal djato ka blakang.
Panglima negri liat begitoe lantas bersoerak. Dengen begitoe Hoei Liong tiada bisa berdaja poela, begitoe gampang toembaknja Tjo Goanswe soeda menoesoek ia poenja peroet, hingga itoe panglima begal binasa di sitoe djoega.
Berapa panglima begal koetika liat Hoei Liong djato dengen berbareng dateng menerdjang
