— 1358 —
akoe nanti bisa bekerdja dengen menje.. Tjianswe poenja hati atawa tiada.”
Kioe Tjianswe denger perminta'annja di trima djadi girang sekali. Lebi djaoe Kioe Tjianswe menanja: „Kau rasa di sala satoe tempat mana jang di rasa penting boeat pegat perdjalanannja itoe kawanan pendjahat?”
„Di segala tempat soeda ada di atoer pendjaga'an akoe rasa itoe kawanan pendjahat aken melariken diri ka laen tempat dengen ambil djalan dari soengei Louw Kang, saoet Ko Kong, „maka akoe rasa baek di atoer pendjaga'an di sepandjang pinggiran itoe soengei besar.”
Kioe Tjianswe keliatan djadi girang sekali. la poen ada pikir ka sitoe, djadi njatalah pikiran jtoe ada saroepa sadja.
„Sekean lama akoe denger namanja Tin Kok Ong poenja tjara mengatoer barisan di medan prang ada sebagi melaekat, sekarang akoe baroe boektiken itoe dengen mata sendiri,” kata Kioe Tjianswe. „Sekarang akoe angkat kau ka dalem djambatan Tian Tji Hoei, berikoet satoe pedang. Ini pedang kau boleh goenaken dalem itoe pekerdja'an: siapa jang tiada mendenger prenta boleh di boenoe, kamodian baroe membri lapor padakoe.”
Ko Kong bilang trima kasi.
Begitoelah moelai dari itoe hari oeroesan mili-
