— 1364 —
Sepandjang djalan ini Koensoe mengela na . . . dan seselken pada Thian Poe Pa, kerna lantaran itoe kepala begal poenja perboeatan jang tjerobo, achir-achir ia orang mendapet itoe katjilaka'an.
Pasoekan negri satelah liat itoe kawanan pendjahat melariken diri laloe mengedjer dengen keras sekali.
Ko Kong dengen mengapalaken sariboe soldadoe jang sebagian menggoenaken sendjata toembak dan tameng, di waktoe pagi sekali soeda sampe di pinggir soengei Louw Kang. Tapi di sitoe ia tiada dapetken ada moesoe; koenjoeng-koenjoeng di djoeroesan sebla Timoer kadengeran swara riboet, maka ia lantas madjoeken tentaranja ka itoe tempat.
Di sana ia dapetken The An Gin dan bebrapa panglima laen lagi mengedjer Pa Koensoe; di sini baroe orang bisa dapet njataken, bahoea itoe djoeroe pamikir dari Yauw Taij selaennja pande dalem ilmoe prang, djoega haroes di seboet ia ada sanget gaga, pande bersilat dan tenaganja besar. Itoe bebrapa panglima negri soeda menjerang padanja dengen tjara jang paling nekat, tapi pertjoema sadja, kerna tiada saorang di antaranja jang brani dateng deket, kerna ini Pa Tauw Todjin soeda djadi seperti kerbo gila ia menoebroek ka kiri dan ka kanan dengen tjaranja jang memboeta.
Achir-achir ia bisa djoega lolosken diri dari
