— 1367 —
Ko Kong djoega sambil toeroen dari toenggangannja dan bales hormatnja itoe panglima moeda.
Ko Kong tiada taoe kaloe pamoeda itoe ada poetranja, sedeng Song In djoega tiada mendoesin kaloe pah toea itoe ada ajahnja, tjoba kaloe masing-masing lantas dapet mengenalken, tentoe di sitoe aken tertampak satoe pertemoean jang menggirangken dan menjediken hatinja itoe doea orang.
„Siapatah Tjiangkoen ampoenja nama?“ menanja Ko Kong kamodian.
„Siauwtjiang jang renda she Sian nama Sioe Eng,“ saoet itoe panglima moeda dengen hormatnja, „sebaliknja akoe noempang menanja, Lo Tjiangkoen poenja she dan nama jang terhormat?“
Koetika Ko Kong kasi taoe namanja, Song In lantas membri hormat lagi dan kata: „Ma'aflah, Ko Tjianswe; sakean lama Siauwtjiang denger namanja Tin Kok Ong sebagi boenjinja goentoer, maka Siauwtjiang merasa sanget beroentoeng kaloe ini hari soeda dapet bertemoe pada orangnja.“
Ko Kong mengela napas. Ia pandang moekanja itoe panglima moeda seraja berkata: Sabenernja kau poenja oetjapan itoe membikin akoe merasa sanget senang di hati, tapi sebaliknja kaloe di'inget begimana matjem keada'ankoe se-
