— 1387 —
mana bisa diliat semoea orang tinggal diam dan
bengong meliatin kelakoeannja. Djim Sioe Tji
kaliatan djadi djengkel. la lantas ambil boengkoesannja, kaloearin satoe stel pakean anak ketjil jang terbikin dari soetra warnanja dadoe,
satoe kopia jang di moekanja ada tertaboer sama bebrapa bidji moteara besar, dan sepasang
kasoet anak ketjil jang terbikin dari koelit binatang oetan.
Ini semoea pakean ia bawa ka hadepan Song In, tarik-tarik tangannja itoe orang moeda dan menoendjoek djoega itoe barng pakean. Ia seperti maoe bilang: „Tjobalah kau andeken pake-pakean ini."
Song In meliat begitoe djadi djengkel sekali, moekanja djadi beroba mera, satoe tanda ia merasa maloe atas kelakoeannja si Gagoe itoe. la dorong tangannja si Gagoe dengen keras dan sembari menoendjoek ka loear ia kata: „Pergilah angkau kaloear, djangan mengganggoe kita orang di sini!"
Si Gagoe gojang kapalanja, ia kasi liat poela itoe tjara seperti tadi.
Kioe Tjianswe meliatin kelakoeannja Sioe Tji dengen tersenjoem, tapi satelah dapet liat kelakoeannja Si Gagoe begitoe roepa, hatinja lantas mendoega, berhoeboeng dengen itoe tentoe djoega ada apa-apa jang mendjadi sebab. Djoega
