— 1394 —
ka itoe boengkoesan preksa itoe satoe stel pakean satoe persatoe, barang-barang jang ada di
sitoe, semoea tjotjok seperti apa jang baroesan
itoe Tjongkoan kasi ketrangan.
Djoega The Koen seabisnja bikin pepreksa'an kaliatan djadi sanget kaget. la kata: „Ini pakean betoel ada pakeannja Ko Kongtjoe, di mana orang dapetken ini?" Kioe Tjianswe tertawa girang. Ia kata: "Sekarang kombali akoe maoe kau bikin papreksaän; tjoba kau liat roepanja ini orang moeda, kamodian liat moekanja kau poenja toean. Menoeroet akoe poenja pengliatan, itoe doea orang seperti ajah dan anak."
Kombali The Koen toeroet itoe prenta. la pandang moekanja Song In dan pandang moekanja Ko Kong. Jang pertama ia dapet kenjata'an roepanja itoe orang moeda ada mirip seperti parasnja So Nio, idoeng dan matanja sama seperti ia poenja madjikan. The Koen kaliatan djadi sanget girang. tapi sebab ka ada'annja masi moendoer madjoe, sakoetika lamanja ia tinggal diam sadja.
Semoea orang poen itoe tempo lantas menetepken, bahoea Sian Sioe Eng itoe tentoe Ko Kongtjoe adanja, tjoema lantaran jang mengasi semoea ketrangan ada saorang gagoe, maka marika itoe masi blon bisa kata apa-apa.
Tapi Kioe Tjianswe bikin tetep orang poenja
