— 1400 —
pengharepan kamodian hari akoe bisa toempang ken
diri dari dalem kaberoentoengan. Tapi siapa
njana sekarang pangharepan itoe djadi sia-sia sadja,
kerna "ternjata orang tiada bisa pertjaja dengen
akoe poenja berbagi-bagai ketrangan...."
Djim Sioe Tji poenja kadoeka'an hati di itoe waktoe ada sanget besar, dan inilah tiada dapet di liat oleh itoe semoea orang.
Koenjoeng-koenjoeng si Gagoe bertreak ia banting dirinja di djoebin, hingga sekali poen terbanting tiada begitoe keras, tapi tjoekoep boeat bikin ia djadi pangsan dan dapet loeka jang mengeloearken dara di bagian kapalanja.
Semoea orang liat begitoe djadi kalang kaboet, hingga perdjamoean itoe berdjalan sampe di sitoe sadja. Keada'annja si Gagoe ada sanget berbahaja, Song In pelokin padanja dengen tangisnja jang sedi.
Boleh djadi lantaran menahan kadoeka'an hati, napasnja Sioe Tji kaliatan seperti soesa. Kioe Tjianswe sigra prenta hambanja pergi panggil tabib, koetika orang jang diprenta soeda pergi ia baroe dapet inget, bahoea The Koen ada poenja obat jang moestadjab.
„The Tjongkoan!" kata itoe orang bangsawan. „Apa itoe pill moestadjab masi ada?"
„Ada, tinggal satoe lagi!" saoet jang ditanja.
Sigra djoega obat itoe dikasi makan pada si
Ko Teng Tjan
89.
