— 1402 —
lem ini oeroesan, tapi sekarang kau soeda bisa
bitjara sebagimana biasa, akoe silaken kau toetoerken dari awal sampe diachir apa jang telah
kedjadian atas dirinja Ko Kongtjoe, soepaja ini
waktoe djoega bisa diambil poetoesan jang me-
netepken: bahoea ini doea orang apa bener ajah
dan anak atawa boekan?"
Atas ini pertanja'an Djim Sioe Tji lantas toetoerken satoe persatoe apa jang telah terdjadi di dalem gedong Tin Kok Hoe pada bebrapa blas taon jang telah berselang, jaitoe: begimana Soen Nio dan Hok Tjoen, lantaran ingin kangkangin antero harta bandanja kaoem familie Ko, telah berdaja oepaja aken mengeniaja pada Song In, dan seboleh-boleh maoe singkirken itoe Kong- tjoe ketjil ka laen doenia kamodian begimana itoe perkara telah di minta pertoeloengannja Hong Dji dan Lo Djim, minta itoe doea orang binasaken djiwanja Song In. Beroentoeng itoe tempo ia, Sioe Tji, telah dapet mengetahoei itoe perboeatan jang terkoetoek, dan sigra diam-diam bawa lari Ko Kongtjoe, menoempang dalem roemanja Sian Sioe Djin, serta laen-laen hal jang terdjadi selandjoetnja itoe.
Kamodian sebagi penoetoep bitjaranja Sioe Tji berkata: „Akoe inget betoel Ko Lo Ya poenja pertoeloengan waktoe akoe ada dalem kasengsara'an, maka sebrapa bisa akoe soeda lindoeng-
