— 1414 —
djadi korban dari perboeatannja itoe prempoean doerhaka.“
Sedeng berkata begitoe, moekanja itoe orang bangsawan djadi beroba poetjet, achir-achirnja ia djadi menangis
„Song In dan jang laen-laen ganti berganti lantas menghiboerken pada Ko Kong dalem kadoeka'annja.“
Kwe Si djahanam di dalem
kariboetan telah melarikan diri.
-Orang-orang jang berboeat
djahat, selaloe dapet pembalesan
jang tiada enak.
Selagi marika itoe beromong-omong, pendjaga pintoe kasi taoe, di loear ada doea orang dari An Tin, minta bertemoe pada Sian Kongtjoe. Djim Sioe Tji sigra dapet taoe orang itoe tentoe ada soeroehannja Sian Wan-gwe, maka sasoedanja permisi dari Ko Kong, ka doea orang itoe di silaken masoek ka dalem
Bener bahoea doea orang terseboet ada orang jang di prenta oleh Sioe Djin, dan ada berikoet satoe soerat boeat Song In dari itoe Wan-gwe. Song In preksa itoe soerat, di mana kita ambil ringkesnja seperti di bawa ini:―
- „Soedara poenja soerat jang mengabarken
