— 1126 —
„Dan begimana ia bilang?" menanja An Djin. Hok Tjoen toetoerken pembitjara ännja Soen Nio jang lagi kemaren sore.
„Djoesta! Itoe bohong!" kata lagi An Djin jang sebagi satoe iboe jang kliroe maoe mengelonin anaknja sendiri: „Kaloe ia bri, nasehat dengen pantes zonder goenaken tjatjiän dan poekoelan, orang tiada gila pergi oendoerken diri. Apa tiada maloe? Toeroet ketrangan Dji Hoa, boekan sadja Taij Taij soeda timpoek dengen glas-aer, djoega ia soeda dinista dengen perkataän kedji, seperti: prempoean djobong dan tiada taoe adat, makian begitoe biarpoen sama boedak jang djoeal kapala poen blon boleh! Memang Dji Hoa ada anaknja orang miskin jang tiada taoe atoeran dalem roema roema familie agoeng; ini semoea Taij-Taij soeda taoe dan kenapa ia djadiken djoega, kenapa tiada maoe tjari gadis laen jang pinter dan pande, serta mengenal adat istiadat agoeng? Oh, apa lantaran ia kaja dan akoe miskin, maka ia rasa berboeat apa soeka sama anakkoe!"
Hok Tjoen tinggal diam sadja.
„ Biar poen begimana Taij- Taij tiada pantes poekoel dan nista orang poenja anak begitoe roepa!" demikian ini prempoean bawel neroektoek lebih jaoe: Sala tinggal sala, ada laen atoeran! Anakkoe pergi kasana boekan maoe diseksa, se-
