— 1427 —
"Dengen ia poenja kedjahatan, boekan sedikit telah mengambil korban!"
Hm, Kwe Si doerhaka brani oetjapken itoe perkata'an, sedeng keada'annja sendiri tiada berbeda sama itoe rampok-rampok jang terkoetoek!
Sakean lama ia orang memandang ka djoeroesan kota, achir-achir Tjo Mama menanja pada Ong Ma: „Sekarang ini njonja maoe pergi ka mana?“
„Akoe pikiran maoe ka kota radja, tapi sekarang pikirankoe djadi kalang kaboet, belon taoe tempat jang mana akoe moesti pergiken,“ saoet jang di tananja.
„Kaloe Naij Naij maoe pergi ka kota radja baeklah kita orang brangkat bersama-sama,“ kata Kwe Si, akoe djoega maoe pergi ka sana.
„Apa di sana njonja ada poenja familie?“ menanja Tjo Mama.
„Ada. Akoe poenja Piauw Moaij tinggal di sana, djoega pegang pakerdja'an seperti akoe. Ia poenja pakerdja'an sanget besar dan namanja djoega terkenal betoel.“
„Djadi sama sama di sana ada poenja familie, memang baek sekali kita orang-orang djalan bertiga,“ kata Tjo Mama.
„Tapi kaloe kita djalan kaki sadja, soeda tentoe sanget paja dan lagi belon taoe sampe kapan bisa sampe ka sana,“ kata Ong Ma, maka itoe
