— 1428 —
apa tiada baek kita potong djalan dengen ambil perdjalanan di aer. Praoe praoe sewa jang belajar ka sana ada sanget banjak dan apa lagi dalem keada'an begini.“
„Kaloe bisa memang paling baek begitoe, kerna djalan di darat terlaloe djaoe,“ kata Tjo Mama.
—„Kenapa boleh tiada bisa?“
—„Njonja poenja keada'an laen sekali seperti kita orang.“
—„Begimana, akoe tiada mengarti?“
Kwe Si mengarti apa jang di maksoed dengen perkata'an Kontjonja, maka tempo Ong Ma menanja begitoe ia lantas berkata: „Kita orang belon tentoe bisa toeroet belajar, kerna oewang boeat sewa praoe tiada ada. Tapi kaloe Naij Naij ada bekel oewang lebian, serta soeka talangin pada kita orang berdoea, pertoeloengan itoe bagi kita orang ada sanget besar.“
„Boleh djoega kaloe njonja soeka menoeloeng,“ kata Tjo Mama jang bantoe bitjara, „kaloe soeda sampe di kota radja dengen lekas itoe oewang diganti lagi.“
„Pendeknja boekannja akoe bitjara sombong,“ menjamboeng Kwe Si, „kaloe soeda sampe dinkota radja akoe tiada nanti djadi kekoerangan oewang; akoe dan Tjo Mama poenja familie di sana semoea ada pegang pakerdja'an besar, soeda tentoe ia nanti membri pertoeloengan seba-
