— 1436 —
soeda katjemploeng ka dalem aer tentoe ia mati,
dengen begitoe barang-barangnja djato ka dalem
kita poenja tangan."
„Betoel, begitoe. paling bagoes!" kata Tjo Mama dengen sanget girang. „Akoe nanti tjari doeit boeat beli arak. Toenggoe sabentar di sini." Seabisnja kata begitoe, itoe prempoean doerhaka laloe pergi pada sala satoe toekang masak jang ia kenal, dari siapa ia dapet pindjem bebrapa poeloe tangtji, dengen perdjandjian, kaloe tiada koeat bajar, nanti di kasi pakean. Kamodian ia balik lagi ka blakang praoe, di mana Kwe Si masi menoenggoe.
la oendjoekin itoe oewang, hingga Kwe Si djadi sanget girang.
Sasoedanja berkata-kata sabentaran, Tjo Mama sigra mendarat, tiada lama ia soeda balik kombali, dengen bawa satoe botol arak dan brapa boengkoesan boea-boea. Lebi doeloe Tjo Mama oempetin itoe makanan di tempat tidoernja, kamodian ia lantas menghamperi Kwe Si jang lagi beromong-omong sama Ong Ma.
„Kau dari mana?" menanja itoe prempoean doerhaka koetika Tjo Mama soeda dateng deket. „Dari tadi akoe tiada liat, apa brangkali kau pergi mengobrol sama toekang-toekang praoe?"
„Apa perloe mengobrol sama segala orang begitoe!" saoet itoe geladak toea. „Pasang omong
