— 1441 —
Maski taoe apa jang mendjadi lantaran maka
itoe prempoean dilemparken ka kali, tapi perboeatan itoe soeda bikin An Gin djadi moerka
sekali, kerna satoe kesala'an jang begitoe ketjil,
tiada tjoekoep boeat mengambil poetoesan begitoe roepa.
Dengen satoe lompatan jang pesat An Gin soeda ada di itoe praoe, di mana ia poenja treakan itoe soeda bikin mendoesin bebrapa anak praoe itoe, jang dengen goegoep lantas menanja: „Ada apa!"
Dalem ini praoe ada kedjadian satoe pemboe- noean jang tiada patoet!" kata An Gin.
„Siapatah angkau ini? menanja itoe anak praoe dengen kaget dan pandang moekanja An Gin.
„Akoe ponggawanja Tin Kok Ong, jang telah titanja Kioe Tjianswe akén poelang ka kota radja," kata An Gin jang lantas toetoerken ia poenja pendengeran tadi, begimana soeda terdjadi itoe baroesan.
Sekarang itoe bebrapa anak praoe memandang pada Kwe Si dan Tjo Mama dengen sanget heran, itoe doea menoesia keparat kaliatan soeda seperti patoeng jang tiada berdjiwa.
„Ini praoenja siapa?" menanja An Gin. „Dan itoe tiga orang prempoean siapa."
„Praoe ini ada moeat akoe poenja njonja, Siang Tjoe Tjoe Bo, jang bersama anaknja hen-
