— 1444 —
soeda tiada bisa di harep lagi. Tapi akoe rasa
ini perboetan keniaja tiada boleh di tinggal diam,
hanja moesti diselidikin lebi djaoe. Kabetoelan
akoe poenja Lo Ya dan Tjo Goanswe ada di
sini, maka akoe maoe bawa ini doea orang padanja, soepaja bisa di preksa dan tjari taoe begimana
maka kedjadian ini perboeatan kedjem."
Itoe toekang praoe merasa sanget girang, kerna djoestroe ia memang mengharep kedjadian begitoe. la sanget kwatir itoe parkara aken berachir pandjang dan bisa membikin ia karembet-rembet. Begitoelah ia loeloesken perminta'annja An Gin.
An Gin sigra ambil satoe praoe ketjil, kamodian adjak itoe doea prampoean doerhaka ka praoenja Ko Kong.
Kwe Si doerhaka memang taoe perhoeboengan antara Ko Kong dan ia poenja swami pada masanja idoep, maka koetika dapet taoe orang maoe bawa ia pada itoe orang bangsawan, ia djadi sanget ketakoetan, kerna mengarti dirinja aken tiada bisa terlepas dari hoekoeman.
Swami istri, anak dan iboe,
satoe sama laen bertemoe lagi.
Ko Kongtjoe ambil poetoesan
aken membantoe pada soedara-
nja.
Kabetoelan itoe tempo Ko Kong dan Song In belon tidoer, hanja lagi doedoek pasang omong,