— 1445 —
koetika An Gin dateng mengasi hormat itoe orang
bangsawan lantas menanja, kaloe kaloe ada oeroesan apa An Gin ketemoeken padanja dalem
waktoe begitoe. An Gin sigra kasi taoe apa jang
kedjadian baroesan, maka satelah denger begitoe,
lantas Ko Kong prenta bawa itoe doea orang dateng mengadep.
Koetika itoe doea prèmpoean kedji di bawa masoek dan di prenta berloetoet, Ko Kong sigra memandang satoe persatoe, kamodian ia menanja: „Antara angkau berdoea, mana sala satoe istrinja Kou Han Lim almarhoem?"
Di tanja begitoe Kwe Si djadi sanget terkedjoet, tapi ia kepaksa braniken hatinja dan djawab itoe pertanja'an. Sekarang Ko Kong liatin moekanja Kwe Si dengen sorot mata bentji, ini orang bangsawan dapet kenjata'an bahoea prempoean itoe ada mengasi liat sikep-sikep jang koerang bagoes, maka panteslah kaloe ia soeda terbitken berbagi-bagi perboeatan tjoerang dalem oeroesan roema tangga.
„In Kongtjoe dan Keng Hoa Siotjia sekarang ada di mana?" kamodian itoe orang bangsawan menanja.
Kwe Si merasa sanget terprandjat, keringet dingin moelai mengoetjoér di djidatnja. la diam sadja atas orang poenja pertanja'an. Tjo Mama mengarti keada'an Kwe Si di itoe waktoe, maka
