— 1460 —
Tjongkoan naek ka darat, bagi-bagiken itoe oewang pada rahajat negri jang kelanggar katjilaka'an.“
Semoea orang poedji atas kadermawanannja Pang Hoedjin, njatalah ia ada saorang jang bisa menaro kasian pada sesama machloek.
Kamodian Ko Kong, Song In dan So Nio bertiga orang, lantas kaloear dari dalem praoe, marika itoe bersembajang pada Allah dan sekalian melaiekat, serta menghatoerken trima kasi jang ia orang soeda bisa dapet berkoempoel lagi.
Esok paginja, Tjo Goanswe koetika dapet taoe apa jang kedjadian lagi semalem, koetika itoe bersama sekalian panglimanja ganti berganti dateng membri slamet.
Itoe hari semoea praoe lantas brangkat belajar lagi.
Maski poen itoe waktoe Ko Kong poenja hati ada merasa sanget girang, tapi hatinja djadi berdoeka kaloe menginget pada Bong Lean. Ia sanget kwatir anaknja nanti dapet tjilaka di medan prang, kerna moesti berhadepan sama moesoe jang tanggoe banjak ilmoenja.
„Tentang atji djanganlah ajah terlaloe pikirken,“ begitoe Song In njataken pikirannja koetika Ko Kong kasi taoe ia poenja rasa kwatir. „Nanti sesampenja di kota radja, akoe hendak bermoehoen sama Baginda Keizer, soepaja akoe
