— 1464 —
semingkin heran, tapi tiada membanta satoe apa.
„Brangkatlah sekarang," kata poela Bong Loan, siapa jang lari poelang orang itoe aken mendapet gandjaran besar!" Itoe ampat panglima denger itoe prenta dan lantas moendoer. Di loear Ouw-jan Peng berkata pada tiga kawannja: „Soenggoe hal ini membikin akoe merasa sanget heran. Tjaranja kita poenja kepala prang mengatoer pakerdja'an ada sanget aneh; biasanja orang jang dapet kamenangan trima gandjaran, tapi kita orang sekarang jang mana kala dapet pahala!"
„Sstt! bitjara pelahan sedikit!" kata Beng Jang sambil gojangken tangannja. „Dari sini tiada djaoe ka tempatnja itoe kepala prang, seandenja ia dapet denger kita poenja perkata'an, nistjaja aken terbit hal jang koerang bagoes!"
„Soeda boeat apa kita retjokin perkara begitoe!" kata Tjiauw Eng,,dalem perkara prang orang tiada boleh berlakoe maen-maen, sebab sedikit sadja orang berlakoe teledor nistjaja aken mendapet ketjilaka'an. Goans we poenja prenta sasoenggoenja ada sanget mengheranken, tapi kaloe berhoeboeng dengen itoe ia tiada ada atoer tipoe apa-apa, akoe rasa tiada begitoe gelo ia atoer prenta begitoe matjem. Dari itoe, marilah kita
orang toeroet sebagimana ia poenja prenta. Boe-
Ko Teng Tjan
93
